سلو المكناسي

سلو المكناسي


سلو المكناسي

ولاء76
المواضيع: 292

جارة مشرفة
2015-05-09 13:46:16

مشاهدات: 7110

المقادير :


السلام جاراتي بما ان شهر رمضان على الابواب بغيت نتشارك معاكم سلو او السفوف المعتمد عندي دائما هاذ سلو تيبقا عندي العام كولو متيغمال ما والو تيبقا بحال الا عاد تصاوب هو يقدر يجيكم غريب ولكن عن جد المذاق لا يقاوم
باسم الله
2 كيلو دقيق محمر ف 2لتر د الزيت
1كيلو و نصف زنجلان محمر 750غرام مطحونة و750غرام الاخرى تبقى صحيحة
1كيلو الا ربع كاوكاو محمر او مقلي مطحون
1كيلو الا ربع لوز مقلي مكسر وصافي
رابعة سكر كلاصي
رابعة مخلط النافع و النافع البلدي
2معالق كبار قرفة
مسكة حرة
قبصة ملح


طريقة التحضير :


المرحلة الاولىتنسخنو الزيت فشي طاوة غارقة وتكون واسعة ومني تسخن نقصو عليها النار ونبقاو نزيدو الدقيق شوية بشوية ونحركو بملعة خشبية بحال الا تنديرو تقنتا الا تتعرفوها المهم ها العملية تطلب شي 45 دقيقة وحنا تنحركو منتوقفوش باش ميتحرقليناش الدقيق منبعد ميولي لونو بني فاتح نطفيو علي ومنغطيوهش حتى يبرد مزيان ونخليوه لليوم التاني تنلقاو الزيت كلها طلعات لفوق والدقيق للي تحمر ترسب لتحتالمرحلة الثانيةتنحيدو هاديك الزيت هيا النيت اللي تنحمر بها اللوز و تنستعملها لقليان المقروط والا البريوات او الشباكية يعني هاديك الزيت متضيعش وتتبقى صافيةالمرحلة الثالثةفشي بانيو كبير و نقي تنديرو الدقيق اللي تحمر وتندلكوه مزيان باش يتحلوهادوك المقادير الاخرين تنخلطوهم فبانيو اخر مزيان وعاد تنزيدوهم على الدقيق ونبداو ندلكوه  مزيان انا تتجيني الحلاوة هيا هاديك وللي بغا يزيد يزيد حسب الذوق ونتمنى تعجبكوم هاد سلو هو للي تنديروه مند القدم فالدار ديالنا و اللي داقو تيحماق عليهمتنتوفرش على صورة ديالو  لحقاش مزال مدرتو هاد العام حتى لاواخر شهر شعبان انشاء الله وهاد الصورة منفولة من النت 

مشاركة على فيسبوك مشاركة على تويتر

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

بسبوسة لديدة بثلات طبقات
كيكة الشوكولا
حلوة النخالة الغليظة و الكوك
بريوش بالكريم باتسري والتفاح
فقاص روعة بالفواكه المعسلة
عمل بالدارجة للمبتدئين
غريبة براوني بالطريقة التركية