طاجين بالاناناس والشريحة و المشماش و الكركاع

ولاء76

المواضيع: 292

جارة مشرفة

2015-06-18 03:02:19

مشاهدات: 6515

---

لعشرة أشخاص :
– 2 كيلو لحم (أو أفخاد الديك
الرومي مقطعين دوائر عند الجزار)
– علبة كبيرة أناناس
- ربع كيلو شريحة
– 150 غرام مشمش مجفف
– 100 غرام كركاع
-ملعقة كبيرة سمن مذوب+ نصف كأس زيت المائدة
– ملح
– نصف ملعقة صغيرة إبزار
– ملعقة صغيرة سكينجبير
– زعفران حر
– 8 عواد قرفة
-3 ملاعق صغيرة زبدة
– كأس صغير سكر
– كأس ماء
– شوي قرفة مطحونة
– و 2 ضروس ثوم
إذا استعملت الديك الرومي – بصلة مشلظة – ماء الزهر

---

في الطنجرة , وضعي اللحم و الزيت و السمن و 
البصلة و الملح و شوي ماء و خليها تشحر. من بعد , زيدي التوابل و الماء و 2 عواد 
قرفة+ شوي غبرة و خليها تطيب على نار مهيلة

في كاسرولة , وضعي الأناناس مع السيرو ديالو 
و معلقة صغيرة زبدة و 2 عواد قرفة و اتركيه يتعسل على نار مهيلة

في كاسرولة أخرى , عسلي الشريحة مع السكر و 2 
عواد قرفة و معلقة زبدة و شوي ماء

في إناء أخير , عسلي المشمش و الكركاع مع 
السكر و 2 عواد قرفة و معلقة زبدة و شوي ماء

في الأخير , زيدي ماء الزهر في الكسرولات 
الثلاث خارج النار

التقديم : وضعي اللحم في الطاجين , ستفي عليه 
دوائر الأناناس. فوق كل دائرة أناناس , ضعي حبة شريحة فوقها حبة مشمش ثم نصف 
كركاعة. سقي الطاجين بالمرق في الجوانب و قدميه ساخن و بالصحة و الراحة


مشاركة على فيسبوك مشاركة على تويتر