عصير اقتصادي وكايخرج كمية كبيرة

فاطمة الفهرية

المواضيع: 894

جارة مديرة
المغرب

2015-06-28 18:12:39

مشاهدات: 5701

---

2,5 كلغ الى 3 كلغ ليمون مقشر
حامضة كبيرة شوية
كمية وافية من السكر ضروري طوب كيجي احسن من السنيدة
قشرة 2 ليمونات نحاولو ما امكن غير القشرة الليمونية
حجرة الليم او حمض السيتريك او السنيدة الحامضة كل واحد وكيف كيسميها معلقة صغيرة وهاد هو السر باش كتحافظ عليه وكيبقى مدة طويلة
والماء بطبيعة الحال

---

المهم كتقشرو كلشي “الحامض والليمون” وتحيدو العظومة والى الكوكوط
كضيفو القشرة والسكر والماء

الماء الكمية اللي تغطي ليك المقادير
كتقفلو الكوكوط وتخليوها حتى تغلى وتنقصو العافية حتى الحد الادنى باش مايسيحش وتحسبو تقريبا 20 حتى 30 دقيقة وتطيفيو البوطة وتعملوه في اناء كبير

ثم تضيفو ملعقة صغيرة حجرة الليم كتعطيه الحموضة وكتحافظ عليه

حتى يبرد عاد نطحنوه ونصفيوه

ونبداو نضيفو الماء تقريبا 9 لتر على حساب الختورة لي بغيتو

نعملوهم في قراعي ونعملوهم في الفريكو والوقت اللي بغيتيه كتخرجيه وكتخليه حتى يتطلق وضيفو ليه اي فاكهة موجودة عندكم او تعملو بيه كوكتيل

هاهو هنا صورتو بدون اضافة اي فاكهة




مشاركة على فيسبوك مشاركة على تويتر