سباكيتي بمداق البيتزا

ولاء76

المواضيع: 292

جارة مشرفة

2015-05-11 23:02:07

مشاهدات: 10007

المقادير :

باكية سباكيتي د 500غرام
بصلة كبيرة مقطعة طريفات صغار
1 فلفلة خضرا وحمرا الاكانت متوفرة
2 مطيشات مقطعين
علبة د الطون ويمكن ليك تستغني عليه الا ممتوفرش
1فص ثوم
1 معلقة كبيرة مطيشة د الحك
زيتون اخضر مقطع
شوية زعتر محكوك باليد
زيت
ملح
راس المعلقة كمون
2 معالق كريم فريش او صوص بيشاميل اللي بغيتي فيهوم
فرماج احمر او د الساندويش

طريقة التحضير :

في مقلاة تنخنو الزيت ومنين تسخن تنضيفو عليها البصلة والفلفلة و فص الثوم مبزع ومنين تنزل تزيدو مطيشة المقطعة ومنين تطيب تنطفي عليها والا نشغات تنزيولها شيية دالما ونخليها تغلى عاد نطفيو عليها ونزيدو لها مطيشة د الحك والزعتر والزيتون ونحتفضو بها جانبا تندوزو لسباكيتي تنصلقوها بقطيلاة د الزيت والملح ونصفيوها من بعد نخلطوها بالكريم فريش او البيشاميل ولصوص اللي وجدنا والطون ونصف كمية الفرماج ونكبوها فالمول د الفرن ونرشوها بالفرماج المتبقي والى الفرن بالصحة و العافية ميام ميام اللهم اذمها نعمة و احفظها من الزوال

جارة معجبة بهذا المنشور معجبة بهذا المووضع