طريقة تحضير كيش مالح بالدجاج

فاطمة الفهرية

المواضيع: 894

جارة مديرة
المغرب

2015-03-17 16:56:43

مشاهدات: 7753

المقادير :

زوج كيسان ونصف عنبة دقيق
بيضة ،معلقة زبدة ،ملح
رشيشة سنيدة،شوي دالخميرة الفورية
وشوية الزعتر مطحون

وتعجنيها بماء دافئ

ثم اتركيها ترتاح شوية

من بعد تسرحيها فمول دالفران وتكيها بالشوكة

ودخليها للفرن طيب نص طياب

مقادير الحشوة

الحشوة ديري اللي موجود عندك، بالنسبة للحشوة اللي عملت أنا

درت بصلة مشلظة فقليل من الزيت وقليل من الزبدة والملح والابزار

حتى ذبالت زدت علها فلفلة مقطعة صغيرة

ومن بعد ماذبالت أضفت مطيشة مقطعة صغيرة وضفت التوابل،

ملح، ابزار كركم وصوص الصوجا ونص ضامة دالبنة دالدجاج ،

طريقة التحضير :

خليت كولشي تا طاب وطفيت عليه،
بالنسبة للدجاج كان عندي طايب من قبل، كان شاط ليا ،وفرتتو ،
نخرج المول من الفران، و نسرح الحشوة دالبصلة ونزيد عليها طريفات الدجاج،
من بعد نطرب ثلاثة دالبيضات،مع قليل من الملح،
ونسكبه فوق الكيش ونحك فرماج احمر من الفوق ونعاود ندخلو الفرن باش اطيب،
بالنسبة ليك جارتي تقدري ديري كفتة ،طريفات دجاج طيبهم مع الحشوة ….
لمهم للموجود عندك فالدار،
فالحقيقة جا زوين وخا زربت عليه شوي ما خليتوش تا تحمر مزيان،
انت تركيه حتى يتحمر مزيان
بالصحة والعافية