بينيي بالشكلاط ساهل و لذيذ

Najlae

المواضيع: 262

جارة موثوقة
maroc

2015-07-04 07:52:33

مشاهدات: 3789

المقادير :

العبار بكاس العنبة)
2 كيسان دقيق
كاس الا ربع حليب دافئ
بيضة
2 معالق زبدة مدوبة
1/2 خمارة حمراء
فاني
قشرة ليمون او حامض اختيارية
معلقة خميرة
1/2 معلقة صغيرة سنيدة
قبصة ملح
لتزيين
سكر سنيدة
شكلاط ابيض و اسود
مربى…

طريقة التحضير :

نسخنو الحليب ونضيفو ليه الخميرة و سنيدة و نخليوه حتى يطلع
في ايناء نخلطو كل المواد الجافة مزيان ثم نضيفو الزبدة مدوبة
والحليب لي فيه الخميرة و بيضة و نعجنووه
خاص ندلكوه مزياان حتى نحصلو على كرة ملساء
نغطيوها و نخليوها تخمر مزيان شي ساعة تقريبا
بعدما تخمر مزياان نخويوها من الهواء ونسرحوها بالدلاك متكونش رقييييقة بزاف شوية ونحطو وسطها العمارة لي بغينا
انا هنايا عمرتها بالشكلاط و المربى نعاودو نغطيوها بالعجين
عاد نقطعوها

ولكم الاختيار كبيرة او صغيرة ممكن منعمروهاش حتا طيب بكريم باتسيير او كناش شكلاط انا كتعجبني هاكا نستفوها فشي طاوة ونخليوها تخمر مزياان
بعدما تخمر نسخنو الزيت و نار تكون منقوصة حيت في ساع كيتحمرو ونبداو نرميوهم فالزيت وهنا كاين واحد السر
اننا نغطيو المقلة منين نرميوهم باش يتنفخو مزيااااااان

شوفو تبارك الله شحال تنفخو

منين يتحمرو نقلبوهم على الجهة الثانية ونحطوهم فوق ورق نشاف علما انهم مكيهزوش الزيت كيجيو ناشفين
ونرشوهم بالسنيدة و نقدموهم مع كويس اتاي او قهوة بالصحة و الراحة