طبق لفيس مزين بطريفات الدجاج المقلي

aicha

المواضيع: 25

جارة جديدة
ilmagrib

2015-03-24 01:31:41

مشاهدات: 8053

---

طبق لفيس مزين بطريفات الدجاج المقلي
السلام عليكم ورحمة الله تعالى وبركاته

فكوكوط نوضعو 4 فصوص الثومة نقطعوهم طريفات صغار نضيف ليهم نص كاس الزيت نوضعوهم فوق النار يتقلاو شوية

من بعد نضيف ليهم بصلة مقطعة مربعات صغار

مين تذبال لبصلة نضيف طريفات الدجاج نغطي عليهم يتقلاو

مين يتقلى الدجاج نضيف 4 مطيشات صغار مقطعين مربعات

ناخد حك صغير مطيشة ندوبوه فلقياس الكافي الماء غليان نمرق به الدجاج

ثم نضيف شوية تحميرة سكين جبير ابزار خرقوم شوية ملح ورقة موسى نسد على الدجاج

---

مين يطيب الدجاج نوضعوه فطبق 
نضيف للمرق نصف كيلو لفيس نخليه فوق النار مهيلة حتى يطيب بلا منبقاو نحركوه بزاف باش ميتعجنش 
نقلي قطع الدجاج فالزيت
عند التقديم نضع لفيس فطبق نزينه بقطع الدجاج المقلي نرشه من فوق بالمعدنوس 
بالصحة و الراحة

مشاركة على فيسبوك مشاركة على تويتر