كيكة زوينة

chaimae

المواضيع: 12

جارة موثوقة
maroc

2015-05-28 00:11:57

مشاهدات: 4784

المقادير :

المقادير مقادير الكيكة الاسفنجية 5بيضات 125ج سكر 125ج طحين +50ج كاكاو مر م ص خمارة +فاني الطريقة خدمي البيض والسكر والفاني بالطراب الكهربائي من 10 الى 15 دقيقة حتى يبياض ويتقال ويولي بحال لكريم تم زيدي الطحين والكاكاو والخمارة مغربلين مرتين وحركيهم بملعقة خشبية برفق من التحت الى الفوق وعمليها في مول ودخليها طيب نصف ساعة والفرن يكون سخون من قبل

طريقة التحضير :

وملي تخرج خليها تبرد وقطعيها على تلاتة وسقيها بالسيرو لمحضر من سكر وماء ونيسكافي او بهواء انا عملت الطبقة الاولى والاخيرة بها واي والوسطى بالسيرو ثم عملي الكريمة ورشي فوقها الفواكه مقطعى ثم طبقة ثانية من الكيكة ونكملو بنف الطريقة وفي الاخير نغلفوها كاملة بالكريمة ثم نزينو الجوانب بالشكلاط فيرميسيل ومن الفوق بالشكلاط على شكل اخشاب كيف ما مبين في الصورة تدوبي الشكلاط مع قليل زبدة وتبسطيه في كاغيط خاص او فوق بالستيكا فيما عملت مكانشي عندي الكاغيط وتخليه ينشف غير هنيهة وتوليه رولي وتخليه ينشف تماما وتحليه وغادي تحصلي على اشكال خشب وتزيني بيهم من الفوق ورشي السكر كلاصي من الفوق وزيني الكريمة والكرز مقادير الكريمة صاشي كريمة +1/4 لتر حليب بارد جدا تخدم حتى تطلع او عملي الكريم فريش تتكون الد وبالصحة