تحضير مسمن بمذاق بيتزا بالفرماج و صلصة

Najlae

المواضيع: 262

جارة موثوقة
maroc

2015-06-29 05:58:35

مشاهدات: 5034

المقادير :

فورص ودقيق القمح لقياس الكافي
معلقة كبيرة زيت الزيتون
شوية خميرة الخبز
شوية الملح
ماء دافي لجمع العجين

طريقة التحضير :

نخلطو المقادير وندلكوالعجين مزيان حتى ترطاب
نشكلوها كويرات ونغطيو عليهم
من بعد نطلقو الكويرة الاولى
وندهنو من الفوق بالزبدة مع الزيت
ونرشو بدقيق القمح
و نطويوها على 4 الطريقة المعروفة للمسمن
بين كل طوية ندهنو بالزيت مع الزبدة و نرشو بدقيق القمح
نفس الطريقة لباقي الكويرات
من بعد نبسطوهم بيدينا ونقسموهم على 2 او على 4

نوضعوهم فطاوة مدهونة بالزبدة
وندهنوهم من الفوق بصلصة لكيتشوب او صلصة الطماطم
نوضعو من فوق فلفلة خضرا مقطعة رقيقة بالطول
ونوضعو شوية الطون ونرشو من الفوق شوية الزعتر مع السانوج
نغطيو عليهم يخمرو ثم ندخلوهم لفرن
مين يطيبو نحكو فوقهم لفروماج
نوليو نرجعوهم لفرن غي يذوب لفروماج ونخرجوهم
وهاهو مسمن بطريقة سهلة ورائعة لرمضان واجد