بصطيلات صغار بالدجاج حلوين ومالحين

بصطيلات صغار بالدجاج حلوين ومالحين


بصطيلات صغار بالدجاج حلوين ومالحين

Najlae
المواضيع: 262

جارة موثوقة
maroc
2015-07-05 04:29:05

مشاهدات: 1128

المقادير :


;

طريقة التحضير :


دجاجة واحدة تخرج 12 بصطيلة
دجاجة مقطعة بلا جلد ومسقطرة تماما في بانيو + 3 مسكة حرة بلا ما ندقها + 1 ثوم محكوك + بصلة صغيرة محكوكة بحال الما + 3 م ك الربيع + م ك براليني اختياري + حبة قرنفل صحيحة + 3 قعقلة صحيحة + م ص السمن + الملح غير شوية + م ص سكينجبير + راس م ص ابزار + شوية زعفران حر + نص م ص خرقوم بلدي + م ص زبدة + نص كاس الما + 2 تمرات بلا عظم او 6 حبات زبيب + 2 عود قرفة ونشرمل الدجاج ونغطيه نص ساعة او اكثر ونديرو يتشحر مغطي بالنص على نار متوسطة ونخليه نص ساعة يتشحر حتى يتلون الدجاج + كاس كبير الما في الجوانب
ونخليه يطيب 20 دقيقة حتى يطيب في كوكوط من بعد ما تصفر
مللي يطيب نحيد الدجاج ونضيف كاس عنبة الزيت + 4 بصلة بيضاء مشلظة ومشحرة مسبقا بوحدها شوية مع الزيت و الملح ونسد الكوكوط 5 دقايق من بعد ما تصفر ونحل عليها ونخليها تنشف و تعلك ونقسمها على 2
النص الاول ندير فيه الدجاج + م ك العسل ونديرو فوق النار ونبقى نحرك حتى ينشف
و النص الثاني ندير فيه 6 بيضات مطربين + م ص براليني + م ص سنيدة + راس م ص قرفة ونرجعو فوق النار حتى ينشف البيض
نخلي كولشي يبرد ونخلطهم بزوج
ناخد رابعة اللوز تصلق وتقلى وتهروش + م ص براليني + م ص ما زهر + شوية قرفة + م ك زيت عادي ونخلط
ناخد الورقة ديال بصطيلة صغيرة
ناخد اطار الحرشة صغير ندير وسط منو الورقة صغيرة كاملة وسط منها ربع ورقة صغيرة ندير اللوز وفوق منو خليط الدجاج ونجمعها بحال الكموسة ونحطها مباشرة في اللاطة بلا دهين وندهنهم من الفوق بالزيت وندخلهم الفران
ايلا كنت غادي نحتفظ بيهم نديرهم في علبة فوق بلاستيط غدائي


مشاركة على فيسبوك مشاركة على تويتر

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

طريقة تحضير طاجين جلبانة و القوق
طاجين الحوت أي نوع من الحوت سردين او ميرنا او أي نوع
فطائر الدجاج و الجبن المكوبة
طريقة عمل التريد بالدجاج
طاجين كفتة السردين بالبصل
طريقة تحضير دجاج ديال العراسات
مطبّق باللحم