الروز بالباذنجان و الطماطم طبق جديد و لذيذ جدا

الروز بالباذنجان و الطماطم طبق جديد و لذيذ جدا


الروز بالباذنجان و الطماطم طبق جديد و لذيذ جدا

فاطمة الفهرية
المواضيع: 894

جارة مديرة
المغرب
2015-01-08 02:11:34

مشاهدات: 7231

المقادير :


نصف دجاجة
نصف كيلو روز كلاصي
2بصلات
4ضروس ثوم
معدنوس
ملح
إبزار
سكينجبير
قرفة
خرقوم بلدي
سمن
أعواد قرفة
مطيشات
2دنجلات
زيت
للتزيين :
حبات لوز مقليين


طريقة التحضير :


فمقلة كنديرو الدجاج و العطرية و الربيع
و الثوم المدقوق و البصلة مشلظة والزيت

ونقليوه مزيان ثم كنضيفو ليه نصف كأس
ديال الماء ونخليوه الدجاج يطيب على
نار مهيلة

منين يطيب الدجاج كنشحروه مزيان نحيدو منو المرق
وكنحيدو ليه العظم ونقطعوه من بعد كناخدو البادنجان
والطماطم نقطعوهم دوائر وندهنوهم بشوية زيت الزيتون
ونرشوهم بشوية الملح وندخلوهم للفران يطيبو

من بعد نطيبو الروز نصف طيبة فالما و شوية الملح
نصفيوه وندهنوه بشوية الزبدة
ونديروه في الكسكاس يفور

ملي يطيب الروز كنخليوه ياخد درجة حرارة المطبخ
وكنديرو ليه شوية الزبدة وشوية السكر كلاصي
وممكن منديروش السكر ونخليوه مالح

ونستفو البادنجان في الكسكاس ومن الجناب

وكنضيفو فوقو نصف كمية الروز و شوية المرق

ومن بعد قطع الدجاج

ثم قطع الطماطم

ومن فوقها الروز المتبقي والقليل من المرق

وفي الأخير كنديرو شرائح البادنجان
المتبقية من الفوق

وكنرجعوه يسخن في الكسكاس وكنقلبوه فطبق التقديم
ونزينو الروز بشوية اللوز مقلي

بالصحة و الراحة كنتمنى تجربيهم جارتي


مشاركة على فيسبوك مشاركة على تويتر

أنت تستعملين الموقع كزائرة عادية فقط !
تسجلي الآن لتستفيدي من كل امكانيات الموقع

التسجيل الآن

تعليقات الزائرات :

طاجين اللحم بالبصلة و الزبيب
tajin
دجاج مشوي بالزعتر والليمون
كراتان الدنجال بالبطاطا
زربيان عدني
الراية مشرملة فالفران
طبق المروزية باللوز